ALI
Aziana Letro Ide
Editero: V.R.Srinivasan eposto:
vasanvrs@gmail.com
Numero:
1
==========================================================================
Kara
amiki,
Kelka tempo ante nun me skribis ad Idisti Aziana (nombro, di qua es ne multa)
pri komencar redaktar revueto de Azia. Triste, me ne recevis ula
respondo. Tamen me decidis ke me komencas ica tasko esperante, ke
altri unionos future balde.
Me sentas su hezitema, ma me anke kredas, ke ecepte se me indulgas ye
skribar e lektar materialo Idala konstante, me oblivius Ido. Me ne
prizas ico. Heziteso venas de la fakto, ke me ne savas, ka mea
habileso kun Ido es suficanta por la tasko. Esas tre dezirebla, ke
esas ulu kun-laborante. Altra afero es la fakto, ke me ne esas
adepta en "graphics" komputerala e do me ne povas provizar imagi.
Do, lekteri pardonez mea erori e ne hezitas informar me pri ol. Fakte me laudus via tala indulgo e prenas li kom expreso
di via intereso pri Ido. Me ja tre savas, ke erori esos multa, ma li
dimunitesas kande ni durigas.
Me aceptos plezure via komenti.
Kordiale
Srinivasan
(vasanvrs@gmail.com)
Chennai, India
7ma di decembro 2011
=========================================================================
Movado^^
Movado esas fenomeno kurioza se on pensas pri ol. Filosofisto
Grekiani anciena anke esis kurioza pri ico. On darfas suspektar
iniciale, ke movado esas atributo di vivanti; videble homi e kati movas
libere ma kadavro e stoni ne movas. Stono povas facesar movar, certe,
ma kustumale per impulso donita ad ol da ula vivanta kozo.
Tamen ca nociono iniciala ne es defensebla, nam esas exempli multa ube
vivo ne envolesas. Tale, la cielala objekti movas trans cielo e la
vento suflas quale lu volas. Kompreneble, on darfas sugestar ke cielala
korpi pulsesas da la anjeli e vento es la respirado di sturm-deo e ya
tala expliki esis komuna inter maxim societi e tra maxim
yarcenti. Tamen filosofisti Grekana obligesis fidar nur expliki
qui envolvis ta parto de universo. qua povas deduktita da rezono homala
de fenomeni aparanta a sensi homala Ta exkluzis anjeli e
sturmo-deo.
Ultree esis exempli di movado plu mikra. La fumo di fairo driftis
desreguloze adsupere. Stono liberigita ye mez-aero movas quik
adinfre quankam nula impulso ye ta direciono donesis a lu. Certe
ne mem individuo qua posedas menteso maxim mistikala esis pronta
supozar ke omna tufto de fumo, omna peceti di materio falanta kontenis
mikra deo o demono pulsanta ol hike ed ibe.
La nocioni Grekiana pri la afero pozesis ye formo desnaiva da la
filofisto Aristotle (384-322 AK).
Duro sequos.
____________________________________________________________________
^^Based on libro "Understanding Physics (Komprenar Fiziko)" da Isaac
Asimov
Joko
Olim ulu kaptesis da policani e prizentesis koram judicisto pro
tro rapidigar.
Judicisto: Ka vu pledas kulpanta o ne?
Viktimo: Me es inocenta.
Judicisto: Takaze quo es la pruvo ke vu ne esis tro rapidiganta?
Viktimo: Judicisto estimata, me esis vehiganta a homo di
mea bomatro pro
querar mea spozino e.....
Judicisto: Sato, Kazo abandonesas!
____________________________________________________________________
Mixuro:
Riordinez suba mixita leteri por formizar vorti Idala propre e
pose formizez la respondo apta a la insunuo, ek la leteri en pozesi
donita inter embracili vers singla vorto.
LKERSUPOKU _ _ _ _ _ _ _ _ _ _ (1,2,4)
OUBMAB _ _ _ _ _
_
(3,5)
EPFERER _ _ _ _ _ _ _ (1,4)
OINED
_ _ _ _ _ (3,4,5)
Insinuo:
Kande ilua filiulo dicis ke il obtenis 100% en matematko ico es quan
patro dicis:
"_ _ _ _ _ _ _ _ _ _ "
Retre a la
indexpagino pri ALI