ALI
Aziana Letro Ide
Editero: V.R.Srinivasan eposto:
vasanvrs@gmail.com
Numero:
2
==========================================================================
Kara
lekteri,
me es felica informar a vi, ke multo da Idisti bonvenigis ica mikra
revueto.
Fakte, s-ro Jean Martignon kontributis artiklo ad ica
numero. S-ro Gabriel Svoboda sendis mesajo ad Idolisto forumo en
qua ilu dicas, "Vua ideo publikigar revuo Aziana en Ido esas bonega; la
nomo ipsa "Aziana Letro Ide" esas tre sonora! Anke vua Ido ja esas multe
plu bona kam antee. Se esas eroreti, oli ne plus aspektas "Azianatre",
anke Idisto Europan-linguana povus facar oli. Me juis omna artikli.
Durez tale! Adavane!". S-ro Tibero sendis mesajo privata e dicis
"Me prizas la titulo "ALI", nam ol koincidas kun la substantivo "ali"
por flugar.L'ideo esas bona. Me sugestas a vu durar ol per plusa
numeri. Sorgez pri bona expresado, ma ne suciez tro multe pri lo, nam
plu importanta esas ke on mantenez Ido aktiva." Il anke solvis la
mixuro ed indikis la erori en ol. Me es tre trista pri mea
neatenceso. Me donas la korektiguri alonge solvuro infre. Me
dankas ilu pro ilua indulgo e me es certa, ke tala konduto kurajigas ulu mantenar intereso
pri Ido. S-ro Antonio skribis a me indikante
kelka erori. Me dankas ilu anke. Quale dicita da me,
me foresas de perfekeso e me helpesas da tala kritiki.
Voluntez durar via patroneso.
Kordiale
Srinivasan
(vasanvrs@gmail.com)
Chennai, India
7ma januaro 2012
=========================================================================
LA ANCIENA FLUGANTA MASHINI
(unesma parto)
Da Jean Claude Mortignon
Esas aludi a fluganta mashini en la skulturi di
templi ed en la anciena skripturi.
La imaji trovita sur la trabi dil plafono di anciena templo Egiptiana
evanta de la periodo dil Nova Rejio 3000 yari ante nun, jacanta plura
centi de milii sude de Al Qahira (Kairo) e de la planajo di Giza, en
Abydos similesas la moderna aeronavi. Aludo ad anciena fluganta
vehili Indiana cherpesas de anciena Indiana informo-fonti, multa de li
esas la bone konocata anciena Epikaji Indiana, ed existas fakte plura
centi de oli. E mem la plu multa de li ne ja tradukesis de la anciena
Sanskrita linguo a la Angla idiomo.
On asertas ke kelka yari ante nun, la Chiniani deskovris kelka
Sanskrita dokumenti en Lhasa, Tibet, e li sendis oli a la University of
Chandrigarth por tradukigar li. D-ro Ruth Reyna di ta Universitato
dicis recente ke ita dokumenti kontenas instrucioni por konstruktar
interstelal kosmospaco-navi !
Lia propulso-modo, elu dicas, esis "anti-gravitadal" e fudamentizesis
sur sistemo simila ad olta di la "laghima", t.e. la nekonocata povo dil
ego existanta en la fiziologiala konstituco di la homo, t.e.
"centrifugala forco sat forta por kontreagar omna gravitadala tensi."
Segun la hinduista "yogi"-i , lo esas ica "laghima" qua posibligas a
persono levar e pulsar sua korpo en l'aero (spiritistal fenomeno). D-ro
Reyna dicis ke en l'internajo di ta mashini, qui nomizesis "Astras" dal
antiqua texti, la anciena Indiani povabus sendir akompananta esquado de
viri adsur irga planeto, segun la dokumento, pri qua on pensas ke ol
evas de plura mili de yari. Onu dicis pri ca manuskripti ke li
revelas la sekretajo di "antima", "la kovrilo di nevidebleso" e
"garima", "quale divenar tam pezoza kam monto ek plombo."
Shivkar Bapuji Talpade naskinta en 1864, esis Sanskrita erudito. Lua
nasko-loko esas Chirabazar che Dukkarwadi en Mumbai (Bombay). Quik de
lua yunevo il atraktesis per la Vaimanika Shastra (Cienco pri
aero-navigado) explikata dal granda Indiana sajulo Maharishi Bhardwaja.
Ocidentala erudito pri Indologio Stephen-Knapp selektis explikar to
quon Talpade facis. Segun Knapp, la Vaimanika Shastra deskriptas
detaloze la konstrukto di to quo nomizesas la mashino havanta
merkurio-vortico olqua esis la prekursoro dil ion-mashini fabrikata
hodie.
La aero-vehilo di Shikvur Bapuji Talpade, neprovizita per
akompananta esquado, flugis til alteso de 500 metri ante aplastesar e
la historiisto Knapp adjuntas ke plusa informi pri la merkurio-mashini
povas trovesar en la anciena "Veda"-ala texto nomata Samaranga
Sutradhara. Ica texto anke konsakras 230 versi por la deskripto dil
utiligo di ta mashini dum paco e milito.
La Indologiisto William Clarendon qua redaktis detaloza deskripto dil
mashino havanta merkurio-vortico en lua tradukuro dil Samaranga
Sutradhara citas ico,
'Interne di cirklatra aero-framo, lokizez la merkurio-mashino kun lua
sunala merkurio-kaldiero ye la mezo dil aero-vehilo. Per la moyeno dil
povo latenta en la kalorizita merkurio, qua startigas la pulsanta
vento-vortico, sidanta viro en la internajo povas voyajar tra granda
disto en maxim marveloza maniero.
Quar forta merkurio-kontenili mustas konstruktesar en la interna
strukturo. Kande olti kalorizesis per fairo mediace di sunala radii od
altra moyeni la vimana (aero-vehilo) developas tondro-povo per la
merkurio. On adjuntas anke ke ita sucesoza mashino di Indiana ciencisto
ne prizesis dal imperiala autoritatozi.'
Avertita dal Britaniana guvernerio la Maharaja de Baroda cesis helpar
Talpade. Lua esforci por diskonocigar la grandeso dil "Veda"-ala
Shastras agnoskesis dal Indiana eruditi, qui grantis a lu la titulo
Vidya Prakash Pra-deep.
STUDIURI PRI ANTI-GRAVITADO
La Indiana imperiestro Ashoka iniciis "Sekreta Societo dil Non
Nekonocata Viri" : granda Indiana ciencisti qui supozesis establisar
katalogo pri la nombroza cienci. Ashoka mantenis sekreta lia laboruro
pro ke lu timis ke la avancinta cienci katalogizita da ita viri, e
rekoliita de anciena Indiana savo-fonti, povus uzesar por la mala skopo
di milito, kontre olqua Ashoka tre opozesis, nam il konvertesabis
al Buddhismo pos vinkir rivala armeo lor sangoza batalio.
La "Non Nekonocata Viri" redaktis totajo de non libri, supozeble singlu
redaktis un libro.
Un de la maxim importanti libri esis "La Sekretaji dil Gravitado !" Ica
libro di qua la existo konocesas da historiisti, ma fakte ne lektesas
da li traktas precipue pri la "kontrolo dil gravitado". Konjekteble ol
ankore trovesas ulaloke, konservata en sekreta libraro en India, Tibet
od altrube (forsan mem ulaloke en Nord-Amerika). On povas certe
komprenar la rezonado di Ashoka qua volis mantenar sekreta tala savajo,
se on aceptas kredar ke ol existas. Ashoka esis anke koncianta ke la
devastera militi dum olqui on utiligabis tala avancinta vehili ed altra
"futurala armi" destruktabis l'antiqua Indiana "Rama-Imperio" plura
mili de yari antee.
Segun la anciena Indiana texti, la homi posedis olim fluganta mashini
qui nomizesis "Vimana"-i. La anciena Indiana epikaji deskriptas
"Vimana" kom duopla kovrilo, cirklatra aero-vehilo havanta
nav-fenestreti e kupolo, tre simila a to quon ni povus imaginar
koncerne NIFO (Ne-identigita fluganta objekto). Ol flugis ye la
"rapideso dil vento" ed emisis "melodioza sono". Esis adminime quar
diferanta tipi de "Vimana"-i ; kelka havante formo di subtaso, altri
similesanta longa cilindri ("sigaroforma aeronavi").
En 1875, la Vaimanika Shastra , texto redaktita dum la quaresma
yarcento a. K. da Bharadvajy la Saja , uzanta mem plu anciena texti kom
savo-fonto, rideskovresis en templo en India. Lu traktas pri la
funcionado di « Vimana »-i ed inkluzas informi pri la
guvernado e pri la presorgi por longatempe duranta flugi, pri la
protektado dil aeronavi kontre la tempesti e la fulmino e quale komutar
la vehado a la « sunala energio » departante de libera
energio-fonto qua pensigas pri « anti-gravitado ».
La Vaimanika Shastra (o Vymaanika Shaastra) kontenas ok chapitri
havanta diagrami deskriptanta tri tipi de aero-vehili, inkluzanta
aparati qui povus nek kaptesar da fairo nek ruptesar. Lu anke mencionas
31 esencala parti de ta vehili e 16 materiaji per qui oli esas
konstruktata, e qui absorbas la lumo e la kaloro, pro ta motivi li
konsideresis kom fitanta por la konstrukto di « Vimana »-i.
Le « Vimana » konservesis en Vimana Griha, t.e.
ulaspeca hangaro, ed kelkafoye, onu dicas, li propulsesis per
flavatra-blanka liquido e kelkafoye per ulaspeca merkurio-kompozuro,
quankam la skriptisti semblas esar konfuza carelate. Lo esas plu
versimila ke la plu recenta skriptisti pri « Vimana-i », skriptis segun observeri de plu anciena texti, e kompreneble esis
konfuza pri la principo di lia propulso. La flavatra-blanka liquido
pensigas pri gazolino, e forsan le « Vimana » havis
multanombra diferanta propulso-fonti, inkluzante kombusto-mashini e mem « pulse-jet
»-mashini.
Esas interesanta remarkar ke kande Alexandros la Granda invadis
India plu kam duamil yari ante nun, lua kronikisti raportis ke ulaloke
li atakesis da « fluganta, fairoza shildi » olqui plunjis
adsur lua armeani e pavorigis la kavalriani. Ita « fluganta diski » nihilominus* ne uzis irga atomala bombi o radianta armi kontre
la armeo di Alexandros, forsan pro bonvolo, ed Alexandros iris a
la konquesto di India.
Lo esas interesiva remarkar ke la nacional socialisti developis la
unesma praktikala « pulse-jet »-mashini por lia V-8
kosmospacala fuzei dicita la « zumanta bombi ». Hitler e la nacional socialista stabo esis tote aparte interesata pri antiqua India
e Tibet e sendis expedicioni singlayare ad ita amba loki, komencante
dum la yari 1930ma, en la skopo rekoliar esotera pruvo pri lia savaji,
e, forsan lo esis de ta homi ke la nacional socialisti ganis kelka de
lia ciencala informi ! Segun la Dronaparva , olqua esas parto de la
Mahabarata, e la Ramayana , un de la deskriptita Vimana havis la formo
di sfero e brilis dum irar kun granda rapideso per potenta vento
produktita dal merkurio.
Ol movis su quale NIFO, iranta adsupre, adinfre, addopte ed adavane
quale la pilotisto deziris lo. Segun altra Indiana informo-fonto, la
Samar , le Vimana esis,
« fera mashini, bone kunjuntita e glata, havanta kargajo de
merkurio olqua pafis de la dopa parto sub la formo di mujanta flamo. »
(Duro sequos)
=========================================================================
Movado^^(durata
de numero preirinta.)
Da V.R.Srinivasan
Ilu mantenis ke singlo de
materio di speci diversa ("elementi") havis sua loko propra naturale en
la universo. La elemento "tero", en qua inkluzesis omna materio
solida cirkum ni, havis kom sua loko naturala la centro di
universo. Omna materio terala di universo kolektesis ibe e
formacis la mondo sur qua ni vivas. Se omna parto de materio
terala venis tam proxima a centro kam lu povas posible, lore tero
mustas
prenar la formo di sfero (e ico,. ya, esis un de plura lineii di rezono
uzita da Aristotle demonstrar ke tero es sferala e ne plata).
Elemento "aquo" havis bordo di sfero
de "tero" kom sua loko naturala. Elemento "aero" havis la bordo
di sfero de "aquo" kom sua loko naturala e la elemento "fairo" havis
sua loko naturala extere la sfero de "aero"
Dum ke on povus inferar preske irga
speco di skemo di universo da rezono sole, on sentas kutumale ke tala
skemo ne meritas facar on spensar tempo por lo ecepte ol korespondas a
"vereso - " - a ti quin nia sensi dicas pri la universo. Cakaze semblas
ke observi suportas la vido di Aristotle. Til ke nia sensi povas dicar
a ni, tero es che centro di universo, oceani kovras granda parti di
tero; aero extensas cirkum landi e maro; ed en la parti che alteso
aerala esas mem evidentesi okazionale di sfero di fairo qua facas
su videbla dum sturmo en la formo di fulmino.
La nociono ke la formo di omna
substanco havas sua loko naturala en la universo esas exemplo di
"assumajo". To es ulo qua aceptesas sen pruvo e lo esas deskorekta
parolar pri asumajo kom sive vera sive nevera nam esas nula voyo
pruvar ke ol esar l'una l'altra. (Se ke ol esas ulo lore ol cesas
esar
asumajo). Esas plu bona konsiderar asumaji kom utila o senutila
dependante ke ka ol korespondis a realeso.
Se du aumaji o kolektajo de asumaji, difera, amba duktas a deduktaji
qui korespondis a realeso lore ta qua explikas plu multa es la plu utila
Ma sembles ke asumaji esas la febla punti di irga argumentado nam li
devus aceptita kom fido inter filozofo qua laudas su pri sua
racionalismo. Nam ni mustas komencar ulube ni mustas havar asumaji, ma
adminime lasez ni havar tam poka asumaji kam posibla. Do ek du teorii
qui explikas la areo egala di universo, ta qua komencas kun
asumaji min
poka esas
la plu utila.
La asumaji di "loko naturala" certe semblis utila la Greki.
Grantite ke tala loko naturala existis, semblis nur racionoza supozar
ke irgakande objekto trovis su ne che sua loko naturala, ol retrovenos
a ta loko naturala tam balde kam ol donesas la chanco. Stono, sizante
en la mezaero, exemple, donas la evidenteso di sua "avideso"
retrovenar a sua loko naturala da la manierio en qua lu presas ad
adinfre. Ico, on darfas deduktar, esas to pro quo ol havas
pezo. Se la manuo suportanta forigesas, la stono falas rapide
adinfre. Da rezono sama, ni povas explikar pro quo la labio di fairo
avancas adsupere, pro quo stoneti falas tra aquo, e pro quo aerobuleti
levas su adsupere tra aquo.
On darfas uzar la lineo sama di argumentado explikar la pluvo.
Kande la varmeso de suno vaporigas la aquo ("divenas aden aero", Greko
darfas supozar) la vapori rapide levas su en sercho di sua loko
naturala. Ultempe li konvertesas a aquo liqida itere, la lasta
falas en guteti en sercho di sua loko naturala.
De asumaji di "loko naturala" dedukti plusa povas facita Un
objekto konocesas hacar plu multa pezo kam altro. La objekto plu
pezoza presas kontre la manuo kun plu granda "avideso" kam
objektio plu lejera Certe se singlu liberigesas la objekto
plu pezoza expresos sua avideso retrovenar a sua loko plu rapide kam la
objekto plu lejera . Aristotle mantenis tale, e ya ico
semblis
konkordar kun la observi, nam plu lejera objekti quale plumi, folii,
nivofloki driftis lente dum ke roki e briki falis rapide.
Ma ka la teorio povas rezistar la desfacilaji pozita intence?
Exemple un objekto povas facita movar de sua loko naturala, quale kande
stono jetesas aden la aero. Lo produktesas iniciale da la impulso
muskulala, ma ultempe la stono livas la manuo, la manuo esforcas ne
longe impulso sur ol. Pro quo, lore, la stono ne durigas quike sua
movado naturala e falar a tero? Pro quo, lore, ol duras levar su aden
aero?
La expliko di Aristotle esis ke la impulso donita a la stono
transmisesas a la aero e la aero transportis la stono alonge. Nam
la impulso transmisesis de punto a punto, tamen, febligis su e la
movado naturala di stono aserteskas su forte pluse e pluse. La
movado adsupere lenteskis e eventuale divenis aden movado ad infre til
ke finale la stono repozis sur la sulo. Ne forco omna di brakio o
katapulto povas , ye tempo longe, povas vinkar la movado naturala di
stono.("Irgaquo movas adsupere mustas venar adinfre", ni dicas ankore.)
Do sequas ke movado koaktita (fore de loko naturala) mustas
ne-evitable donar voyo a movado naturala (vers loko naturala) e la
movado naturla trnsportos la objekto eventuale a sua loko
naturala.Ultempe ol esas ibe, nam ol havas nula altra por irar, ol
cesas
movar. La stando di repozo, o manko di movado, es konseque stando
naturala.
Ico, anke, semblas parigar kun observo. Objekti jetita venas a la
sulo eventuale e haltas, objekti rulanta o glitanta anke haltas
eventuale e mem objekti vivanta ne povas esar movanta por sempre.
Se ni klimas monto ni agas tale kun esforco e dum ke la impulso inter
nia muskuli desaparas ni koaktesas repozar ye intervali Mem la
movado maxim
tranquila evantas
po kusto kelka
e la
impulso inter
omna kozo vivanta spensas su eventuale. La organismo
vivanta mortas e venas a stando di repozo. ("Omna homo es mortal.")
Ma quo pri la korpi cielala?. La situeso, relate li semblas esar difera
kam la itueso relate objekti sur la tero. Konsiderite ke la
movado naturala di objekti hike sube es sive adsupere sive adinfre, la
korpi cielala nek proximigas nek retroiras ma semblas movar en
cirkli cirkum la tero.
Aristotle povus nur konkluzar ke la cielo e korpi ciela facesis ek
substanco qua esas nek tero nek aero, nek aquo, nek fairo. Ol
esis kinesma elemento e nomesis kom 'ether' (Greka vorto signifikante
'flamifanto', la korpi cielala esante remarkinda por la lumino qua li
emisis).
Duro sequos.
____________________________________________________________________
^^Fondita ye libro "Understanding Physics (Komprenar Fiziko)" da Isaac
Asimov
Mixuro:
Riordinez sube donita mixita leteri di singla vorto por formizar vorti
Idala propre e pose formizez la respondo apta a la insinuo, ek la
leteri en plasi donita inter embracili opozite singla vorto.
EROLUG _ _ _ _ _ _
(2,4,6)
ROZOBAM _ _ _ _ _ _ (1,3)
NARTAR _ _ _ _ _ __ (2)
VUTILKRA _ _ _ _ _ _ _ _ (1,5)
Insinuo: Planeto dop spegulo! (respondo) _ _ _ _ _ _ _ _
******************************************
Joko
Mondo expertizo
Expertizo mondvasta duktesis da la UN. La nura questiono
demandita esis:
"Ka vu voluntez donar vua opiniono honesta pri solvuri a la
ne-suficanteso di nutrajo en la restaji di mondo?"
La expertizo esis grandega falio.
En Afrika li ne savis qua 'nutraji' signifikis.
En India li ne savis qua 'honesta' signifikis,.
En Europa li ne savis qua 'ne-suficanta' signifikis.
En Chinia li ne savis qua 'opiniono' signifikis.
In Mez-Est li ne savis qua 'solvuri' signifikis.
En SudAmerika li ne savis qua 'voluntez' signifikis.
Fine en Usa li ne savis qua 'restaji di mondo' signifikas
***************************
Solvuro di antea mixuro: (Notez: Me mencionas la numeri di plasi
korekta de qui literi mustas prenesar por formacar la respondo a
insinuo)
krepuskulo(1,2,9), bambuo(2,4), prefere(3,5), dineo(1,3,4)
Kande ilua filiulo dicis ke il obtenis 100% en matematko ico es quan
patro dicis:
" NEKREDEBLA"
Solvuro di nuna mixuro donita supere: regulo, morboza, tranar,kultivar
Planeto dop spegulo! merkurio
Retre a la indexpagino pri ALI