ALI
Aziana Letro Ide
Editero: V.R.Srinivasan eposto:
vasanvrs@gmail.com
Numero:
3
==========================================================================
Kara
lekteri,
Me ne recevis ula letro da lekteri respondante pri numero-2 di ALI.
Tamen dum kelka okazioni, quin me obtenis konversar kun kelka di nia
amiki ye l interreto kelka homi laudis mea esforco.
Kelki expresis, ke ALI povas plubonigesar per grafikaji. Ma me ne
savas multa pri tekniki komputorala e do me koaktesas por "vivar
inter mea moyeni." Me fidas ke lekteri pardonos mea kulpi.
Quale me dicas singla okazione, lekteri mustas sentar su libera indikar
la erori en texti e me aceptos li gatidueme.
Kordiale
Srinivasan
(vasanvrs@gmail.com)
Chennai, India
7ma februaro 2012
=========================================================================
LA ANCIENA FLUGANTA MASHINI
(parto finala)
Da Jean Claude Mortignon
Altra verko titulizita la Samaranganasutradhara deskriptas quale la
vehili konstruktesis. Lo esas posibla ke la merkurio relatis a la
propulso, o plu versimile, a la dukto-sistemo. Stranje, Sovietana
ciencisti deskovris to quon li nomizas « antiqua instrumenti
utiligita por la navigado di vehili kosmospacal » en kaverni en
Turkestan ed en la dezerto di Gobi.
La « aparati » koncernata esas objekti misferal ek vitro o
porcelano, finante per kono havanta guto merkuria en lua internajo. Lo
esas evidenta ke l’anciena Indiani flugis en ta vehili, super
tota Azia, a la direciono di Atlantida konjekteble ; e mem,
semblante, a Sud-Amerika. Skriburi trovita en Mohenjodaro en Pakistan
(supozata esar un de la « Sep urbegi Rishi dil Imperio Rama )
esas ankore nedechifrita, samaspeca skribarto anke trovesis en altra
loko dil mondo : la Pasko-insulo, ol nomizesas skribarto di
Rongo-Rongo, anke ol ne dechifresis, ed esas nekredeble simila a la
literi di Mohenjodaro.
En la Mahavira di Bhavabhuti, texto Jaina dil okesma yarcento rekoliita
de anciena texti e tradicioni, ni lektas :
« Charo aeral, la Pushpaka, transportas multa homi a la chefurbo
di Ayodhya. La cielo esas plena de fluganta mashini marveloza,
obskura quale la nokto, ma trasemata per lumi havanta brilego flavatra ».
Le Veda, antiqua poemo Hinduista, konsiderata kom esante la maxim
anciena de omna Indiana texti, deskriptas « Vimana »-i havanta diversa formi e dimensioni
: le «ahnihotra-vimana » posedanta du motori, le «vimana-elefanta » havanta plu
multa motori, ed anke altra tipi nomizita - segun bestio-nomi -
martin-peskero, ibiso ed altra simila animal-nomi.
Desfortunoze, le « Vimana », quale la plu multa deskovruri
ciencal, uzesis fine por milito. La Atlantidani utiligis lia fluganta
mashini, « Vailixi, » olqui esis simila vehilo aeral, en la
skopo konquestar e submisar la mondo, adminime semblas esar tale, se on
devas kredar la texti Indiana. La Atlantidani, konocata kom « Asvin »-i en la skriburi Indiana, esis semblante plu avancinta
teknologiale kam la Indiani, e certe havis plu militema temperamento.
Quankam onu ne konocas la existo di anciena texti pri le Vailixi
Atlantidana, kelka informi transpiris per la mediaco da esotera
informo-fonti « okulta » qui deskriptas lia fluganta
mashini. Simila, se ne identa a le Vimana, le Vailixi esis generale « sigaroforma
» ed havis la kapableso manovrar sub l’aquo same bone kam en l’atmosfero o mem en la kosmospaco.
Altra vehli, quale le Vimana, havis la formo di subtaso, e povis segun
semblo anke submersesar.
Segun Eklal Kueshana, autoro di « The Ultimate Frontier“ (La Lasta Frontiero), en artiklo quan il redaktis en 1966, le Vailixi
utiligesis unesme en Atlantida 20.000 yari ante nun, e le maxim
ordinara de li esas :
« subtaso-forma havanta generale kruco-segmento trapezoidal kun
tri motori misferal lokizita ye la infra latero.”
“Li utiligas aparato mekanikal ye antigravitado pulsate per
motori havanta aproxime 80.000 kaval-povi.”
Le Ramayana, Mahabharata e cetera texti aludas la hororinda milito qua
havis loko, dek o dek-e-du mil yari ante nun inter Atlantida e Rama qui
utiligis destrukto-armi ne povante imaginesir da lekteri til la duesma
duimo di ca yarcento. La anciena Mahabharata, un de la savo-fonti pri
le Vimana, raportas la teroriganta destruktiveso dil milito :
« …(la armo esis) unika projektilo charjita per la tota
povo dil Universo.“
« L’ANCIENA AEROVEHILO VIMANA » - Artiklo da John
Burrows pri Sanskrita texti qui plenigesas per aludi a Dei qui kombatis
batalii en la cielo dum utiligar Vimana-i provizita per armi tam
mortigiva kam olti quin ni povas agigar hodie en teoriale plu
savoza tempo. Exemple, esas paragrafo en la Ramayana qua asertas :
« La charo Pushpaka olqua similesas la Suno ed apartenas a
mea fratulo adduktesis dal potenta Ravan ; ita ecelanta charo aeral
iras at omna loki segunvole…ica charo esas simila a nubo
brilanta en la cielo. »
« …e Rejo [Rama] eniris ol, e la ecelanta charo ye l’impero dil Raghira, acensis a la tre alta atmosfero.
»
En la Mahabharatra, anciena poemo Indiana di grandega longeso, ni
saveskas ke individuo nomata Asura Maya posedis « Vimana » mezuranta dek-e-du kud-mezuri en cirklo-kurvo, ed havanta quar forta
radi. Ita poemo esas vera mineyo ora por informi koncernanta la
konflikti inter dei qui solvis lia disputi, segun semblo, per uzar armi
tam mortigiva kam olti quin ni esas hodie kapabla utiligar. Exter la
raportita fakto ‘lansigar misili’ , ita poemo memorigas la
utiligo di altra armi mortigiva. ‘La Dardo di Indra’ funcionanta per la moyeno di cirklatra
‘reflektoro’.
Kande on fucionigis lu, ol produktis ‘flecho de lumo ‘ olqua, kande ol vizis irga skopo-plako, senfriste
‘kombustis ol
per lua povo’. Lor aparta kambio, la heroulo, Krishna, persequas
ilua enemiko, Salva, en la cielo, kande neexpektite la Vimana de Salva,
la Saubha igesas ulamaniere nevidebla. Nule senkurajigita, Krishna
nemediate pafas per armo specal :
‘Me quik frapis per flecho, qua mortigis per emisar aparta
sono’.
Mult altra armi hororinda deskriptesas, tote evidente reala, en la
Mahabharata, ma la maxim pavoriganta de omna esas olta uzata kontre le
Vrishi. La historio savigas :
« Gurkha fluganta en lua Vimana rapidega e potenta lansis kontre
la tri civiti di le Vrishi e le Andhaka unika projektilo charjita per
la tota povo dil Universo. Inkandecanta kolono de fumuro e fairo, tam
brilanta kam dekamili de suni, levesis lore en lua tota splendideso. Lo
esis la nekonocata armo, la Fera Tondroflecho, giganta anuncanto
di morto qua reduktis a cindri la tota genti di le Vrishni ed Andhaka. »
Esas importanta atencigar, ke itaspeca raporti ne esas le unika. Li
povas korelatigesar a simila raportaji trovebla en altra civilizuri
anciena.
La efekti di ca Fera Tondroflecho konstatesas per malaugura rikonocebla
ringo. Videble, iti qui mortigesis per ol esis tante severe
brulita ka lia kadavri esis neidentigebla. La posvivanti standis apene
plu bone, pro ke ol produktis la falo di lia hari ed ungli. Forsan lo
maxim trublanta ed ecitanta, koncerne la informo pri ica supozata
mitala «Vimana »-i en la anciena texti, esas ke on trovas
raporti qui konsideras kom evidenteso la deskripto por konstruktar un
de ta « Vimana »-i. Liamaniere, la instrucioni esas tote
preciza. En la Sanskrita libro Samarangana Sutradhara, skriptesas :
« Robusta e duriva mustas facesar la trunko dil Vimana, quale
granda ucelo fluganta ek materiala lumo. Interne on mustas pozar la
mashino ye merkurio kun lua varmiganta fera aparato sube. Per la moyeni
dil povo latenta en la merkurio olqua funcionigas la duktanta vento
rotacanta, viro sidanta en la internajo povas voyajar dum granda disto
en la cielo. La movi dil Vimana esas tala ke lu povas acensar
vertikale, decensar, irar oblique adavane ed addope. Per la helpo dal
mashini la homi povas flugar en l’aero e cielala enti povas
decensar adsur la tero. »
La Hakatha (Legaro dil Babilonani) deklaras sen ambigueso :
« La privilejo funcionigar fluganta mashino esas granda. La savo
pri la cienco flugar esas inter le maxim anciena de nia heredaji. Ol
esas donaco da ‘ ti di la supera altajo’. Ni recevis ico de
li kom moyeno por salvar multa vivi. »
E mem plu fantastika esas l’informo furnisita en l’anciena
verko Kaldeana, La Sifrala, qua kontenas plu kam cent paginedi de
detali teknikal por konstruktar fluganta mashino. Ol kontenas vorti qui
tradukesas per grafita bieli, kupra helico-resorti, kristala
indikatoro, vibranta sferi, stabila anguli, edc.
FINO
=========================================================================
Movado^^(parto finala)
Da V.R.Srinivasan
Exemple, la pezajo
'du-pound'-a presas sur la manuo duopla tam forte kam pezajo
'un-pound-a. Ka esas sufica dicar ke la objekto 'du-pound'-a
falas plu rapide kam to 'un-pound'-a Se la objekto
'du-pound'-a manifestas jus duopla avideso retrovenar a sua loko
naturala, ka ol ne falus jus ye rapideso duopla? Ka ico ne
esus probesar? Pro quo ne mezuras la rapidesi exakta di objekti
amba e vidas ke ka objekto 'du-pound'-a falas ye rapideso duopla
kam objekto 'un-pound'-a Se ol ne agas tale lore certe la teorii
pri movado mustos modfikesar. Se, sur la altra manuo, ol agas
tale, lore la teorio Greka povas aceptesar kun plua certeso.
Ankore, tale intencita probo (o
experimento) ne agesis da Aristotle o dum du mili yari pos ilu.
Esas du rezoni por ico. Un esis teoriala. La Greki havis maxim granda
suceso en geometrio qua traktas pri koncepti abstrakta tale kom
punti sen dimensionala e linei sen largeso. Li ganis resultaji ye
tante simpleso e generaleso ke li ne povabis obtenita da mezurante
objekti aktuala Komenceskis, do , la sentado ke la restaji mondo
esis kruda kelke e malafitigita por helpar solvar teorii abstakta dil
universo. Certe esis Greki qui experimentis e inferis konkluzi
imoportanta; exemple Archimedes (257?-212AK)e Hero (unesma centyaro
PK). Malgre to la antiqua e mezepoka esis definitive en favoro di
dedukto de asumaji, prefere, kam di probo da experimento.
La rezono duesma esis ta qua esis
praktikala. Ne esis tante facila experimentar quale on
supozas. Ne esas desfacila kalkular la rapideso di objekti
falanta en epoko di halto-kronometro e metadi elektronikala por mezurar
kurta intervali di tempo. Til tri centyari ante nun ne esis
horlogi qua povas mezurar mikra intervali tempo e preske nula
mezurilo di irga speco.
Dum fidar rezono pura, filozofi
anciana vere esis facanta maxim bona ek quin esis disponebla a li e dum
aspekar des-estimar experimento li nur agis quan la neeeso postulis.
La situeso diveneskis chanjar lente
proxim la fino di MezEpoki. Skolanti plusa e plusa
estmeskis la valoro di experimento kom metado probar teorii e hike e
ibe individui komencis trovar tekniki experimentala.
La experimento restis preske sen
influo. tamen, til la ciencisto Italiana Galeleo Galeli (1564-1642)
venis sur la ceno. Il ne inventis experimento ma facis ol
spektakala e populara. Ilua experimentaji pri movado esis tante
injenioza e konklusiva ke li ne nur komenceskis la destrukto di fiziko
Aristotle-ana ma demonstratis, por tota tempo, la neceso por
experimento en cienco. Esas de Galileo (ilu es nevarieble
konocesis
da sua unesma nomo) ke la nasko di"cienco experimentala" o "cienco
moderna" datizata kustumale.
(Fino).
____________________________________________________________________
^^Fondita ye libro "Understanding Physics (Komprenar Fiziko)" da Isaac
Asimov
****************************************************************************
Pri la Chiniana Nova Yaro
da s-ro Jaime Alcoba
Preske al komenco di ca yaro, ye la
23ma de januaro, es Nova Yaro Chiniana. Ta dio anke nomesas la
Printempala Festivalo. Do, multa homi lektas o askoltas la novaji pri
ta jorno, ma ne savas plus multe. Do, hike me donas kurta rezumo pri ta
dio bon-augura.
La Chiniana Nova Yaro es bazita sur
kalendario luna-suna. To signifikas ke ol utiligas la suno e la
luno por determinar la dati. En Chinia, on nomesas ta kalendario
"kalendario agro-kultivala", por diferenciar ol dil kalendario uzita
omnadie. Pro to, la dato dil festivo es diferanta singlayare.
La yari povas nombresar en tri
difereanta manieri: per nomo di animalo (kavalo, porko, dragono),
nombro (4709), e nomo chiniana (RenChen). Cayare, esas la yaro
dil dragono.
La maniero di celebrar ta festo
diferas inter familii, dependante se la familio es Budista* o
Taoista*. Anke, singla developas sua propra maniero di festar.
La Chiniana Novyaro es celebrata en
landi ube existas granda nombro de chiniani. Fakte, la jorno es
celebrita en Hong Kong, Makau, Taiwan, Singapura, Tailandia, Filipini,
Malaysia, Indonesia, Brunei e en Vietnam. La nombro de jorni qua on
havas libera diferas segun la lando. En Chinia, on havas 7 dii
libera, ma en Brunei, on nur havas du jorni. Anke la skopo e la
nombro de eventi difereas. Komprenende, en Chinia existas multa plu
eventi. En altra landi ube la nombro di Chiniani es plu mikra,
apene existas eventi. E ofte en ta landi, on mustas festar dome e
dum jorno laborala.
Adsube esas bazala rezumo pri quale on
celebras la festo.
La nokto ante la komenco dil festivo,
multa familii manjas granda repasto, e la tota familio es kune. Es la
maxim longa festojorno, ofte durigante til tre frua la sequanta
dio. Catempe, komencas la plu longa festo dil yaro Chiniana,
durigante 15 jorni e kulminante kun la Festivo dil Lanterno, pri qua ni
parolos adsube.
Tre ofte, la precipua tri jorni es la
plu importanta ek la cetera altri.
Dum la unesma dio, on vizitas plu olda
membri dil familio. Anke, familio povas invitar dancanti qua
facas la Danco dil Leono, kredita a foriragar la mala spriti. Tre
ofte, plu olda membri donas reda kuverti kun pekunio a la yunuli.
En la urbegi, la priotekniki ne es permisita inter personi privata, mem
se olti ankore es tre populara kun la populo ibe. Do, la guvernerio
ofte pagas por publika piroteknikala spektakli.
Dum la duesma jorno, tradicionale es
tempo ube mulieri mariita retornas vizitar sua familii e amiki.
Altralatere, multa homi kredas ke ta jorni celebras la hundi, e segun
ta tradiciono, on donas manjajo specala por olti.
Dum la triesma jorno, on ne es
supozita vizitar amiki e altra familio-on kredas es mala chanso
to. Vice, on vizitas templi ube on demandas ulu pre-dicar la
futuro dil venonta yaro.
La nova yaro chiniana duras 15
jorni. Ye la 15ma jornoo, es la Festivo dil lanterni, qua
konkluzas la Nov-yarala festi. Antee, nur la nobleco partoprenis
facar la lanterni, e olti esis simpla. Hodie, omnu havas
Lanterni, e la desegni es tre komplexa. Anke, ye la dio dil
lanterni es konocata kom tempo por la amanti.
Do, quo es la jorno hodie venerdio, la
3ma di februaro, segun la kalendario chiniana? Hodie es la 12ma
jorno dil unesma monato dil yaro dil dragono, konocita kom RenChen o
nombrita 4709. E kande es la sequanta Chiniana Novyaro ye
2013? Ye la 10ma februaro, 2013.
***Danko a olti ret-situi, me povas
donar a vi ca artiklo: www.wikipedia.org,
http://www.chinesetools.eu/tools/chinesecalendar/, e mem
www.google.com por informi por ica
artiklo.****************************************
=========================================================
Enigmato (da S-ro
Allan Rockett)
La quar homi en ca enigmato omna konkursis en diversa klasi de hundala ajileso
ye recenta konkurso. La konkursi omna bezonis ke la hundi trans-saltas barili,
tra tuneli e diversa altra obstakli en la maxim rapida tempo posibla. Singla
hundo havis diferenta rezulto – un finis unesme, un triesme, un quaresma, ed
un nonesma. Omna quar hundi esis di diferenta raso.
Ka vu povas determinar qua manipulas singla hundo; ye qua nivelo singla
hundo konkursis; la pozeso
ube finis singla hundo; e la raso di singla hundo?
1.Se Tiff finis unesme, lore Terry finis quaresme.
2.Se Terry finis quaresme, lore Jago es muton-hundo, altre Jago ne esas
muton-hundo.
4.Se Jane konkursis en Novico, lore el finis quaresme.
5.Se Jane konkursis en la Seniora klaso, lore el finis triesme.
La hundo qua finis nonesme, esis Alsatian (germana pastoro??). Ca esis
sive Jago, qua kase Jago konkursis en Elementala klaso, sive ca esis
Kelly, qua kase Terry manipulis Kelly.
6. Mark triumfis en klaso di Komencanti.
7. Se la hundo di Mark nomesas Patti, lore Patti esas labradoro, altre
Patti esas muton-hundo.
8. La hundo di Ruth nomesas Jago.
9. Se Jago finis quaresme lore el konkursis en la Novico-klaso altre el
konkursis en la Seniora klaso.
10. Se Patti finis unesme, lore la hundo di Terry esas Alsatian
(germana pastoro??) altre la hundo di Terry esas muton-hundo.
11. Se la hundo di Jane esas dobermano lore Jane finis quaresme, altre
Jane finis triesme.
Homi: Jane; Mark; Ruth; Terry
Hundi: Tiff; Patti; Jago; Kelly
Rasii : Alsation??; Muton-hundo; Labradoro; Dobermano.
Niveli: Komencanto; Elementala; Novico; Seniora.
+++++++++++++++++++++++++++++++++++++++++++++++
Mixuro:
Riordinez sube donita mixita leteri di singla vorto por formizar vorti
Idala propre e pose formizez la respondo apta a la insinuo, ek la
leteri en plasi donita inter embracili opozite singla vorto.
URBIKS _ _ _ _ _ _ (2.4)
KOMTISO _ _ _ _ _ _ _ (2.6,7)
PMUIL _ _ _ _ _ (1.4)
MULONIF _ _ _ _ _ _ _ (3,7)
Insinuo:
Feliceso konsistas ne en havar _ _ _ _ _ ma esar
kontentiganta kun _ _ _ _ .
******************************************
Joko
Operaco Simpla
Ula viro esis movanta desquiete en sua rotostulo in la vestibulo dil
hospitalo, jus ante sua operaco.
Flegisto haltis ilu e questionis " Quo es la afero?"
Ilu dicis "Me audis la flegisti dicante ' Esas operaco tre simpla, ne
jenar su, me es certe ke omni esos bona"
"Elu probesis komfortigar vu, quo es tante terroriganta pri ito?"
"Elu ne esis parolanta kun me. Elu esis parolanta kun la medikisto!".
***************************
Solvuro di mixuro : skrubi, moskito, plumi, fulmino :
Respondo a insinuo: multo, poko
Solvuro di enigmato: La detali donita inter
embracili esas respektive Nomo di Hundo,
Manipulero, Klaso
Loko e Raso
(Patti, Mark,
Komencanto,1ma, Labradoro); (Tiff, Jane,
Seniora,
3ma , Muton-hundo);(Jago Ruth
Novico
4ma Dobermano)' (Kelly Terry Elementara
9ma Alsatian)
Retre a
la indexpagino pri ALI